Nag-abot ng tulong ang Department of Environment and Natural Resources (DENR) sa pamamagitan ng kanilang Indigenous People’s Desk sa mga indigenous peoples (IPs) sa Pampanga upang makapagbigay ng pag-asa mga ito sa gitna ng pandemya.
Sa ginanap na gift-giving activity na may temang “Sa Gitna ng Pandemya, Buhay at Kapaligiran ay Mahalaga” na idinaos sa Hacienda Gracia Resort and Hotel sa Lubao, Pampanga noong Disyembre 10, 150 pamilya ng Aeta na nagmula sa Barangay Camias, Porac, Pampanga ang nabigyan ng regalo.
“As President Rodrigo Roa Duterte said, no one should be left behind. We heal as one,” sabi ni DENR Undersecretary for Solid Waste Management and Local Government Units Concerns Benny D. Antiporda.
“You deserve these gifts. We are simply giving them back to you,” paliwanag pa nito sa mga Aeta.
Nakatanggap ang mga IPs ng groceries, vitamins, face masks, face shield at alcohol. Ito ay tinanggap ng kanilang mga barangay leaders at elders dahil na rin sa pagsunod sa social distancing protocol at limitasyon sa mass gathering.
“The DENR counts IPs among its valued stakeholders because they are considered stewards of environmental protection,” saad pa ni Antiporda.
Sa kanyang panig, sinabi naman ni Indigenous Peoples Mandatory Representative (IPMR) Edwin Abuque na: “It is important that we protect the forest and trees because these are our first line of defense against floods. They help protect those who reside at the foot of the mountains.”
Idinagdag pa nito na ang mga puno at halaman ay kayang manggamot dahilan upang walang IPs ang tinamaan ng COVID-19.
Hiniling din ni Antiporda sa mga Aetas na magtanim ng bigas at cacao sa mga bakanteng lupa sa kanilang nasasakupan upang may pagkunan ang mga ito ng kanilang makakain at kabuhayan.
Nakahanda rin si Antiporda na magbigay ng agricultural machineries na makatutulong sa mga ito sa pagtatanim.
“Nurture your land. We will not give you fish to eat but we will teach you how to fish,” paliwanag pa nito.
Nagpalasamat naman ang mga Aetas dahil sila ang napili upang makatanggap ng tulong lalo na ngayong nalalapit na ang Kapaskuhan.
Nangako din ang mga ito na patuloy na poprotektahan ang kabundukan na ikinokonsidera ng mga ito na kanilang tahanan. ### (Strategic Communication and Initiatives Service (SCIS), Department of Environment and Natural Resources)
