Inanunsyo ng Novartis Foundation ang apat na bagong miyembro ng kanilang board of trustees, kabilang si Dr. Joerg Reinhardt na pumalit kay Dr. Andrin Oswalds, bilang Chairman ng Novartis Foundation Inc. Kabilang din sina Prof. Peter Piot ng London School of Hygeine and Tropical Medicine at Dr. Rebecca Weintraub ng Harvard Medical School na inanusyo bilang bagong board members kasama rin si Mr. Rainer Boehm ng Novartis Pharmaceuticals.
Mananatili naman sa Novartis Foundation board sina Mr. Juergen Brokatzky-Geiger, Global Head of Corporate Responsibility for Novartis, and Dr. Ann Aerts, Head of the Novartis Foundation.
Ang Novartis Foundation ay 35 taon ng nakatuon sa pagtulong sa pangangalaga ng kausugan ng mga mahihirap na mamamayan. Ani ni Dr. Joerg Reinhardt, sa kanyang panungkulan bilang bagong chairman ng Novartis, masaya siya na ipagpatuloy ang nasimulan ng institusyon at masaya rin siya sa pagkakaroon ng mga bagong health experts na tutulong makapagbigay ng bagong kaalaman at pananaw ukol sa Global Health gayundin sa Novartis Foundation.
Si Dr. Rebecca Weintrub ay Assistant Professor sa Medisina ng Harvard Medical School, Associate Physician sa Division of Global Health Equity sa Brigham and Women’s Hospital at Faculty Director rin ng Global Health Delivery Project ng Harvard University. Si Prof. Peter Piot, MD, Ph.D, naman ay kasalukuyang Director ng London School of Hygeine and Tropical Medicine. Naging founding Executive Director din sya ng UNAIDS at isa siya sa mga nakatuklas ng Ebola virus.
Ang Novartis Foundation ay isang pilantropong organisasyon na nangunguna sa pagkakaroon ng maunlad at makabagong modelo ng healthcare at tumutulong sa pagpapataas ng antas ng kalusugan ng mga mahihirap na mamamayan.
Noong 2014, ang kanilang operational budget ng organisasyon ay nasa CHF 12 milion at ang kanilang programa ay nakatulong na sa 3.6 milyong mamamayan. (Freda Migano)
