IBIG paalalahanan ni Quezon City Treasurer Edgardo Villanueva ang mga ‘taxpayer’ sa Lungsod Quezon na ‘deadline’ na ng pagbabayad bukas Marso 31, 2011 ng “Real Property Tax” upang maiwasan umano ang karagdagang pagbabayad o pagpapataw ng dagdag na interes at ‘penalty’ ng mga residente ng nasabing lungsod.
Sa ating panayam kay Treasurer Villanueva na di tulad ng ‘business tax’ na ‘flexible’ umano ito depende sa nakikitang resulta ng bilang ng mga nagsisipagbayad ng ‘business tax’ kung saan ay puwede nya itong irekomenda at hilingin sa lokal na konseho na magpasa ng ordinansa upang magbigay ng ‘extension’ sa mga negosyante upang magkaroon ng pagkakataong makapagbayad ng kanilang buwis ng kani-kanilang negosyo. Di tulad umano ng ‘Real Property Tax’ na ang tanging puwedeng maging dahilan aniya na magbigay ng ‘extension’ ay kung may ‘national emergency o calamity’ na deklarado ng Pangulo ng bansa.
Samantala, binanggit din ni City Treasurer Ed Villanueva na sinuspinde nya ang pagbibigay ng sertipikasyon sa mga negosyanteng makinabang sa tinatawag na BMBE Law dahil naging kapansin-pansin ang pag-abuso ng ilang mga negosyante sa lungsod.
Malaki umano ang nagiging epekto ng 5% bawas sa pagbabayad ng buwis sa lokal na pamahalaan gayudin sa BIR. Dagdag pa ni Villanueva na buhat nitong enero hanggang sa kasalukuyan ay tatlo (3) pa lamang ang mapalad na nakapasa sa maraming negosyante sa Lungsod Quezon na dati-rating nakinabang ng BMBE Law.
Panawagan nga ni Villanueva na huwag naman abusuhin ng ating mga kababayang negosyante sa lungsod ang mga pribilihiyong ipinagkakaloob ng pamahalaan.
