Nagkaloob si Pangulong Ferdinand Marcos Jr., kasama si Agrarian Secretary Conrado Estrella III, ng walong farm-to-market roads (FMRs) na nagkakahalaga ng P194 milyon at P8.9 milyon halaga ng makinaryang pangsasaka sa 11 kooperatibang pang-agraryo.
“Para ituloy ang ating mga nagawa na dito sa Caraga, hiniling ko sa DAR na kumpletuhin ang pamamahagi ng mga lupa sa mga karapat-dapat na may-ari habang nakikipagtulungan sa lahat ng ahensya ng gobyerno upang suportahan ang ating mga benepisyaryo sa anumang bagay na maaaring kailanganin nila,” ani Pangulong Marcos sa pamamahagi ng mga titulo ng lupa sa 4,659 agrarian reform beneficiaries (ARBs) ng Caraga noong Pebrero 16.
“Kaya, sa mga nakatanggap ng kanilang mga titulo ngayon, hinihimok ko kayo na samantalahin itong mga suportang serbisyo na ibinibigay namin sa inyo. Ang lahat ng ito ay para sa inyo upang matulungan kayong mapabuti ang inyong pamumuhay at pinagmumulan ng kabuhayan,” Marcos said.
Sinabi ni Department of Agrarian Reform (DAR) Secretary Estrella, na ang mga FMR, na itinayo at pinondohan sa ilalim ng Agrarian Reform Fund, ay matatagpuan sa Surigao del Sur sa mga munisipalidad ng Cagwait, Madrid, Carmen, Tago (2 FMRs), San Miguel (2 FMRs). ), at Barobo, at ang mga makinarya at kagamitan sa sakahan ay ibinigay sa 11 agrarian reform beneficiaries’ organizations (ARBOs) sa rehiyon.
Sinabi ni Estrella III na ang pagtatayo ng FMRs ay sumusunod sa direktiba ng Pangulo na palawigin ang kinakailangang suportang serbisyo sa mga sektor ng pagsasaka sa hangarin ng huli na buhayin ang industriya ng agrikultura sa bansa sa pamamagitan ng pagpapabuti ng daloy ng suplay ng pagkain.
Sinabi ni Estrella na ang mga proyekto sa kalsada ay makatutulong sa mga magsasaka ng Surigao na maihatid ang kanilang mga produkto sa iba’t ibang pamilihan at sentro ng kalakalan.
“Ang pinakamahusay na paraan upang mapabuti ang daloy ng suplay ng pagkain ay mapabuti ang ating mga kalsada, mula sa pinakamalayon mga nayon hanggang sa mga pangunahing kalsada patungo sa mga sentro ng pamilihan upang ang mga magsasaka mismo ay madaling magdala ng kanilang mga sariwang ani,” sabi ni Estrella.
Ipinagkaloob din ng Pangulo ang mga makinarya at kagamitang pangsaka na nagkakahalaga ng P8.9 milyon sa 11 agrarian reform beneficiaries’ organizations (ARBOs) sa rehiyon. Ang pagkakaloob ng mga makinang pangsaka ay ipinatupad sa ilalim ng Climate-resilient Farm Productivity and Support Program (CRFPSP) sa pakikipagtulungan sa Department of Agriculture (DA).
Sinabi ni Estrella na ang mga makinang pangsaka ay ibinigay upang mapalakas ang produksyon ng mga magsasaka ng bigas at niyog sa rehiyon ng Caraga. Ang mga makinang ibinigay ay mga floating tiller, knapsack sprayer, mga pamutol ng damo, rice thresher, hand tractors, at belt conveyor.
“Nakipagtulungan kami sa DA para sa pagpapataas ng coconet at biofertilizers enterprise ng mga magsasaka. Ang mga makinang ito ay magbibigay ng mekanisasyon at magpapagaan sa mga problema sa post-harvest ng 1,454 ARBs,” ani Estrella.
Ang Climate Resilient Farm Productivity Support Project ay naglalayon na magbigay ng mga serbisyong pang-agrikultura at suporta sa mga magsasaka upang bumuo ng katatagan sa gitna ng mga banta ng pagbabago ng klima.#
