Mga Bagong Solusyon ng HID, Lalaban sa Tumataas na Banta ng Cybercrime sa Bansa
Bilang pagtugon sa mahigpit na patakaran ng Bangko Sentral ng Pilipinas (BSP) para labanan ang scam, mga bangko at iba pang institusyong pampinansyal ay dapat nang magpatupad ng mas ligtas na paraan ng pag-login bago mag Hunyo 25, 2026.
Ang direktibong ito sa ilalim ng Anti-Financial Account Scamming Act (AFASA) ay nagsasaad na kailangan nang gumamit ng “passwordless authentication” o pag-login nang walang password upang maiwasan ang phishing at mga online na scam. Napapanahon ito, dahil umakyat nang 35% ang mga kaso ng online fraud sa Pilipinas sa nakalipas na dalawang taon, ayon sa ulat.
Para matulungan ang mga kompanya sa Pilipinas na sumunod sa bagong alituntunin, ang global na lider sa seguridad na HID ay nagpakilala ng kanilang mga bagong solusyon na FIDO-certified, na pinapagana ng kanilang Enterprise Passkey Management (EPM). Ang teknolohiyang ito ay nagbibigay-daan sa mga organisasyon na mag-deploy at mag-manage ng “passkeys” nang mas mabilis at secure, na wala nang problema sa pagmememorya ng password.
“Hindi na ito opsyon lamang—ngayon, ito ay isang regulasyon na kailangang sundin,” pahayag ni Sean Dyon, Vice President ng HID. “Ang aming mga solusyon ay nagbibigay sa mga kompanya dito ng kakayahang magpakilos ng mas secure na paraan ng pag-login, na papalit na sa mga password at OTP na madaling manakaw ng mga scammer.”
Paano Magiging Mas Simple ang Pag-login
Ang Enterprise Passkey Management ng HID ay isang subscription-based na solusyon na nagpapadali sa malawakang paggamit ng passwordless authentication. Dito, pwedeng pangasiwaan ng mga IT admin ang pagbibigay at pagtanggal ng access ng mga empleyado nang malayo at sentralisado, na nakakatipid ng oras at pagsisikap.
Iba’t Ibang Paraan para sa Iba’t Ibang Pangangailangan
Alam ng HID na iba-iba ang pangangailangan ng bawat kompanya, kaya naglunsad sila ng mga bagong produkto:
- Crescendo Keys: Isang maliit na security key na pwedeng isaksak sa computer para mag-login nang secure. Pwedeng gamitin ng mga empleyado na madalas mag-online.
- Crescendo Cards: Isang ID card na hindi lang pampasok sa pintuan ng opisina, kundi pampasok na rin sa computer at mga sistema. Isang card, dalawa ang gamit.
- OMNIKEY 5022 Reader: Isang cost-effective na reader para magamit ang mga security card sa pag-login sa mga computer.
Ang mga device na ito ay katugma sa Microsoft Entra ID at iba pang sistema, kaya madali itong isama sa mga kasalukuyang IT infrastructure ng mga kompanya.
Sa pamamagitan ng mga solusyon ng HID, inaasahang mas mapapadali at mapapaseguro ang digital na operasyon ng mga kompanya sa Pilipinas, habang tumutugon sa mahigpit na patakaran ng BSP laban sa mga manloloko online.#
