Sa kauna-unahang pagkakataon, nagsagawa ang Commission on Election ng pagsasama-sama ng ibat’ibang partido pulitikal sa bansa upang magbigay ng tagubilin o briefing upang paghandaan ang National Election Summit na magaganap sa taong Marso 8, 2023.
Ayon kay Nelson J. Celis, Commissioner In Charge ng 2023 National Election Summit, magsasagawa ng mga diyalogo at konsultasyon na gagawin sa buong bansa ang ComElec upang matugunan ang mga pangunahing isyu, tukuyin ang mga pagkakataon para sa makabuluhan at pagsasagawa ng makabagong halalan, at upang magbalangkas ng mga estratehiya tungo sa isang malaya, maayos, tapat, at kapani-paniwalang halalan sa Pilipinas at iba pang kaugnay dito.
Sa pamumuno ni Chairman George Erwin M. Garcia at pangangasiwa ni Commisioner Nelso K. Celis ay nais makamit ang “Pagtutulungan sa Makabagong Halalan”.
Hindi umano makakamit ang malinis at maayos na halalaan kung hindi magtutulungan ang mga stakeholders o mga partido pulitikal at mga ahensya ng pamahalaan tulad ng Department of Education, Department of Science and Technology, Department of Interior and Local Government, at iba pang ahensya ng pamahalaan na kumikilos mula sa paghahanda hanggang sa araw ng bilangan para sa halalan na ginagawa ng bansa.
Kabilang ang Katipunan ng Demokratikong Pilipino (KDP), isang pambansang partido pulitikal na binuo at pinangungunahan ng batikang ekonomista na si Antonio Abad Santos Valdes, kasama ang iba pang partido pulitikal ng Pilipinas ang nagsipagdalo at nakikiisa sa layunin ng Commission on Election.#
