Naabot ng CPLRC ang mahigit 700,000 na kliyente sa pinagsamang online at pisikal na pagbisita sa taong 2023 sa mga iba’t-ibang mga inobatibong serbisyo na inaalay sa mga kliyente nito.
Nakapagtala ng 64,546 na katao ang pisikal na bumisita sa CPLRC ayon na rin sa kabuuang monthly statistics report gamit ang QR Code system upang makuha ang mga datos ng mga pumapasok sa CPLRC. Nasa 16,788 na kalalakihan at 47,758 naman ang kababaihan na pumasok at gumamit sa CPLRC facilities sa nagdaang taon.
Ang kabuuang bilang ng humiram (circulation) ng mga aklat sa buong taon ng 2023 ay umabot sa 32, 215 at ang Discussion Rooms ng CPLRC ay umabot sa 7,514.
Ang UBAG Cinema na inilunsad noong kalagitnaan lamang ng nakaraang taon ay nakapagtala ng 668 na kliyente, habang ang Internet Area ay nakapagtala ng kabuuang 6,578 na kliyente na gumamit sa pasilidad ng naturang section.
Ang online program naman na Caygandang Alamin na napapanood sa CPIO kung saan ang programang ito ay tumatalakay sa mga proyekto at aktibidad ng CPLRC ay nakapagtala ng kabuuang 57,364 views. Maliban dito, ang CPLRC ay nakapagtala ng kabuuang 644,892 online log-in. Ito ay ang kabuuang mga online clients na bumisita sa CPLRC webpage na cplrc.org at ang FB page ng CPLRC kabilang ang reach, views at likes sa mga anunsiyo at iba pang mga post hinggil sa mga aktibidad at proyekto ng CPLRC. Ang mga datos na ito ay patunay lang na buhay na buhay ang serbisyo ng pampublikong aklatan na itinuturing na isang kahanga-hangang proyetong handog ng Pamahalaang Panlalawigan sa pamumuno ni Governor Manuel Mamba.
Nagawaran ang CPLRC ng dalawang National Award mula sa The Asia Foundation at National Library of the Philippines noong Augosto ng nakaraang taon dahil sa programa nitong Free Civil Service Review Classes na itinanghal bilang Best PREXC Activity for Livelihood and Employment kaalinsabay ng paggawad sa CPLRC bilang Most Innovative Public Library sa kategoryang Building/Physical Set-up.
Iginawad din kay G. Michael A. Pinto, RL ang Provincial Librarian ang karangalan bilang isa sa mga Regional Winners para sa Presidential Linkod Bayan Award ng Honors and Awards Program (HAP) ng Civil Service Commission noong Setyembre 2023.
Ang CPLRC ay napipintong magdiwang kanyang ika-70 taon sa darating na Febrero 19, 2024. Ang CPLRC na may orihinal na pangalang Cagayan Provincial Public Library ay naitatag noong ikaw 19 ng Pebrero noong taong 1954. Isa ngang milestone na maituturing ang marating ang 70 taon. Mula noon hanggang ngayon, ang CPLRC ay patuloy sa mga inobasyon nito upang higit na maserbisyohan ang mga mag-aaral at researchers hindi lamang sa buong lalawigan ng Cagayan kundi maging sa ibang dako ng bansa.
Tunay nga na isa ang CPLRC sa mga hinahangaang pampublikong aklatan sa bansa sa dami na rin ng mga LGU’s at schools sa ibat ibang dako ng bansa na bumisita at patuloy pang bumibisita sa CPLRC. Taglay ang mantrang “We Serve Because We Care”, ang CPLRC ay patuloy na magiging kaagapay ng mga mag-aaral at researchers’ para mabigyan ng dekalidad na serbisyo ang mamayan ng Cagayan.#
