Nakikiisa ang grupo ng LILA PILIPINA sa pandaigdigang komunidad sa panawagan para sa wakasan ang pananakop ng US-Israeli sa Palestine.
Hiniling ng grupo na itigil ang genocide o malawakang pagpatay ng mga mamamayang Palestinian at ang kakila-kilabot na pambobomba ng Israel sa Gaza strip na halos sumira sa buong lungsod.
Ayon sa kanila, sinusuportahan ng Estados Unidos ang walang puso at mala-kriminal na gobyerno ng Punong Ministro Netanyahu na walang paggalang sa pandaigdigang batas ng kapayapaan sa halip ay pinaiigting ang galit ng lahi ng sa pagitan ng mga mamamayang Israeli laban sa mga Palestinian sa pagpapalawak ng mga imprastrakturang militar ng Israel para sa pagsugpo ng pakikibaka ng mamamayang Palestinian para sa pambansang kalayaan ng mga Palestino.
Nababahala umano ang Lila Pilipina at humihiling ng mga pangdaigdigang pagsisiyasat laban sa iniulat na paggamit ng militar nang sekswal na karahasan ng mga sundalong Israeli laban sa mga babaeng Palestinian.
Ang Lila Pilipina ay ang organisasyon ng Filipino Comfort Women. Bilang naging biktima ng karahasang sekswal ng militar ng Hapon noong Ikalawang Digmaang Pandaigdig, kinondena ng Lila Pilipina ang paggamit ng sekswal na karahasan ng militar laban sa mga kababaihan ng nasasakop o kolonisadong mga bansa.
Nanawagan din kay Pangulong Bongbong Marcos ang mga panukalang kasunduan sa depensa at militar sa gobyerno ng Israel. Ayon sa grupo, bantog ang kakila-kilabot na rekord ng Israel ng genocide, militarismo at apartheid laban sa mga Palestinian at mahabang rekord ng pakikipagtulungang militar sa imperyalistang adyenda ng US.
ITIGIL ANG US-ISRAELI OCCUPATION OF PALESTIN ! ITIGIL ANG ISRAELI MILITARY SEXUAL VIOLEANCE LABAN SA MGA BABAENG PALESTINIAN ! ITIGIL ANG GENOCIDE LABAN SA MGA TAONG PALESTINIAN ! Sigaw ng Pinay Comfort Women.-30-
