NAAALARMA si DILG Undersecretary for Barangay Affairs Felicito “Chito” Valmocina dahil sa tumataas ang bilang ng mga may sakit sa puso at baga.
Ayon sa datos na nakalap nya sa Barangay Holy Spirit, karaniwang problema na dumudulog sa kanilang sakit sa puso at baga. Sa katunayan, ang 5 pangunahing karamdaman ay ang L. Atrial Enlargement, Sinus Bradycardia, Sinus Arrythmia, Sinus Tachycardia, at positibo sa TB, ang naka-schedule para sa ECG.
Ang Barangay Holy Spirit lang sa buong Pilipinas ang may libreng serbisyo ng medical gaya ng Ultrasound, ECG, E-ray, 2D Echo, Eye Refraction, Blood Chem, Urinalysis at konsultasyon.
Umabot sa 643,783 na kabuuang pasyente na ang natulungan simula noong 2016 hanggang sa kasalukuyan mula sa Batasan Hills, Commonwealth, Payatas, Bagong Silangan at iba pang barangay sa Lungsod Quezon at malalayong lalawigan na may kaanak na nakakaalam ng libreng serbisyo ito.
Ayon kay Chito Valmocina, mula Enero 14 hanggang Disyembre 18, 2022 na may kabuuang bilang na 7,177 halos kalahati nito o katumbas ng 3,372 ang may naitalang karamdaman sa baga.
Ang Health and Wellness Program ng Barangay Holy Spirit ay itinatag ni Usec Valmocina nang sya ay Punong Barangay pa lamang. Ipinagpatuloy at sinusuportahan ito ng nasabing barangay subalit mayorya sa gastusin dito ay sinasagot ng butihing DILG Usec mula sa kanyang kinikita sa mga pribadong kumpanya na kanyang itinayo bago pa man sya pumasok sa pamahalaan.
Bagaman, sinubukan nyang humingi ng tulong sa lokal at Kagawaran ng Pangkalusugan ay hindi sinusuwerte dahil sa kakulangan ng pondo ng pamahalaan. Sa halip, ang mga serbisyo at kagamitan tulad ng ambulansya ay hinihiram ng iba’t ibang lokal na pamahalaan lalo na sa panahon ng sakuna o bagyo.
Sa kasalukuyan, patuloy ang pagpapataas ng kalidad ng serbisyong medikal at kagamitan ng nasabing barangay. Panawagan ni Valmocina, na bukas ang kaniyang tanggapan o ang Barangay Holy Spirit sa sinumang may mabuti puso at kakayahang tumulong upang maipagpatuloy ang mga serbisyo at medikal lab na kanilang libreng ibinahagi sa mamamayang Pilipino.#
