MAKAKAMIT ang peace and order sa bawat barangay kung hindi gutom ang mamamayan. Nagkaisa ang DILG at Task Force Kasanag na ang kasapatan ng pagkain ang kailangan upang ang pamayanan ay makamit ang kapayapaan at magkaroon ng malusog at maunlad komunidad.
Sa isang courtesy call ng grupong Task Force Kasanag (TFK) International sa pangunguna ni TFK Founder-President John J. Chiong, kasama ang ilang opisyal ng TFK ay nabigyan ang grupo ng pagkakataon upang makausap si Department of the Interior and Local Government (DILG) Barangay Affairs Undersecretary Felicito Valmocina sa kanyang tanggapan sa Barangay Holy Spirit, Quezon City, Lunes, Disyembre 5, 2022.
Sa pag-uusap nina Chiong at Valmocina, isa ang food sufficiency sa bawat barangay sa buong bansa, ang lulutas dahil sa simpleng pagtatanin sa bawat barangay ng mga mamamayan ay makakatulong ito sa bawat pamilya at maging sa bawat miyembro ng TFK na magkaroon ng makakain sa hapag.
Sinabi ni Usec. Valmocina sa mga lider ng TFK na ilan sa maaaring itanim sa bawat barangay ay ang mga gulay, kawayan, herbal, fruitberry at marami pang iba.
Ayon naman kay TFK founder-president Chiong, malaking tulong sa organisasyon na kilalanin ng mga pinuno ng bansa tulad ng DILG-Barangay Affairs na mas malapit sa bawat mamamayan sa pamamagitan ng barangay.
“Mas mapapabilis ang komunikasyon ng bawat Pilipino sa grupong TASK FORCE KASANAG na mahigit isang dekada nang lumalaban sa katiwalian,” sabi pa ni Chiong.
Dagdag pa ni Chiong, o mas kilala bilang “BERDUGO LABAN SA CORRUPT”, na magiging katuwang ng tanggapan ng barangay affairs ang Tak Force Kasanag upang mapalakas ang kapayapaan at kaayusan sa bawat barangay at maging ang katiwalian ay mabilis na mapipigilan sa pakikiisa ng mamamayan.
Samantala, suportado din ni Chiong ang Barangay Intelligence, na ipantatapat laban sa mga taong gobyerno na gumagawa ng katiwalian.# (Cathy Cruz/PMAI)
