Kilala natin ang Lagundi na isang gamot na pampaluwag ng paghinga. Sino ba sa panahon ngayon ang hindi pa nakainom ng tanyag na brand na Plemex syrup o Plemex capsule? Subok na ito dahil naiibsan ang ubo bunsod ng karaniwang cold, flu at mild to moderate bronchitis o maging sa mga may asthma, chronic bronchitis at iba pang broncho-pulmonary disorders.
Matatandaan na ang isang koponan ng mga mananaliksik mula sa Unibersidad ng Pilipinas, katuwang ang Philippine Council for Health Research and Development (PCHRD), ay nagbalangkas ng gamot mula sa lagundi na mabisang mapagaang ang sintomas ng impeksyon sa paghinga (respiratory infections) partikular ang ubo at hika.
Ang Lagundi Vitex Negundo ay isang produkto na dumaan sa maramihang mga siyentipikong pag-aaral at mga klinikal na pagsubok bilang bahagi ng National Integrated Research Program on Medicinal Plants (NIRPROMP).
Naptunayang ang Lagundi formulation ay epektibo sa pagpigil sa pagkalat ng sanhi ng sakit ng mga mikroorganismo, pagbawas ng lagnat, pagbawas ng lapot ng uhog, pagpapabuti ng kulay ng plema, pagpapagaan ng igsi ng paghinga at paghingal, at pagbawas ng dalas ng ubo.
Ayon sa kaugalian, ang lagundi ay ginagamit upang gamutin ang kagat ng insekto at ahas, ulser, rayuma, namamagang lalamunan, ubo, lagnat, at mga baradong sinus.
Kaya sa kauna-unahang pagkakataon ay maari nang inumin ang pinulbos na Lagundi!
Inilunsad ng RichCorp ang Happy Cha Lagundi Tea Beverage upang mas masanay na maging inumin dahil sa murang halaga nito at taglay ang mahusay na kalusugan partikular ang mabuting paghinga at maiwasan ang maaaring pagkakasakit dulot ng virus at bacteria.
Pakuluan lang sa tubig ang isang kutsaritang Happy Cha Lagundi ng 5 minuto, maaaring inumin ito ng mainit o lagyan ng honey, depende sa panlasang nais.
Ang Happy Cha Lagundi Tea Beverage ay nasa isang loob ng isang karton na may dalawang 100 grams na pakete ng pinulbos na Lagundi, na ginawa ng kilala at respetadong herbal company na tagapagtustos (supplier) ng hilaw na materyal (raw materials) ng Vitex Negundo sa merkado .
Ang GH Nutripharma / Biofarm & Natural Health Inc. (kapatid na kumpanya ng RICHCorp) ay patuloy na nagpapagawa ng iba’t ibang uri ng Analysis o Test sa 3rd Party Laboratory upang tiyakin ang kalidad at kaligtasan ng pinulbos na Lagundi na inilalabas nila sa merkado, kabilang dito ang Microbial Analysis (Coliform, Molds and Yeast Count at Organochlorines) sa Philippine Nuclear Research Institute (PNRI); at Heavy Metal Test (Arsenic, Mercury, Cadmium at Lead) sa SGS. #
