Patuloy na isinasapuso ng kilalang brand na Philips ang kanilang malalim na legacy ng pagbabago sa paglulunsad ng kanilang bagong linya ng mga smart home product sa bansa, na idinisenyo upang maghatid ng kaginhawahan, seguridad, at pinakamataas na uri ng pagganap para sa modernong pamilyang Pilipino.
Nagmula sa isang maliit na tagagawa ng lampara sa Netherlands, umabot na sa 132 taon ang karanasan ng Philips sa pagbuo ng mga de-kalidad at maaasahang produkto na naging bahagi na ng pang-araw-araw na buhay ng mga tao sa buong mundo, kabilang na ang mga Pilipino.
Mga Produktong Nagpapa-Ginhawa sa Bahay
Nakatuon ang bagong koleksyon sa pagpapalawak sa konsepto ng “smart home,” kung saan ang mga gawain ay nagiging mas simple at secure gamit ang teknolohiya. Kabilang sa mga inilunsad na produkto ay ang Smart Lock, Smart Safe, at ang kanilang mga Bluetooth Speakers.
Philips Smart Lock: Palitan na ang mga tradisyonal na susi sa pinto. Itinatampok ng smart lock ang advanced na fingerprint recognition, PIN code, at pagbukas gamit ang smartphone. May mga modelong nilagyan na rin ng Face Recognition at Palm-Vein Recognition para sa mas mataas na antas ng seguridad. Perpekto ito para sa mga pamilyang may kasambahay o madalas na bisita, dahil kayang bigyan ng hiwalay at kontroladong access ang bawat miyembro.
Philips Smart Safe: Para naman sa mga mahahalagang ari-arian, ito ang solusyon. Matibay at may advanced na fire resistance, ang smart safe ay mabubuksan gamit ang biometric fingerprint o PIN code. Mayroon din itong Wi-Fi connectivity at real-time alerts sa iyong smartphone para mapanatag ang iyong kalooban.
Philips Bluetooth Speakers: Para sa mga musikero at mahilig mag-karaoke, may inihanda rin ang Philips. Bukod sa malakas na audio quality at portability na aabot ng 10 oras, may espesyal na Karaoke Series ang brand na perfect para sa mga salu-salo at family bonding.
Patuloy na Pagtitiwala ng mga Pilipino
Dahil sa matagal nang reputasyon ng Philips pagdating sa kalidad at pagiging maaasahan, inaasahang lalong magugustuhan ng mga Pilipino ang mga bagong produktong ito. Nakatutok ang brand na siguruhing ang bawat produkto ay makakatulong para sa mas maginhawa, mas ligtas, at mas masayang pamumuhay.
Giit ng Philips, patuloy silang maghahatid ng mga makabagong solusyon na tumutugon sa pangangailangan ng bawat pamilyang Pilipino, na naninindigan sa kanilang pangakong bigyan ng mas magandang buhay ang lahat.#
