Ayon sa pinakabagong 2025 Pre-Election Party-List Preferential Survey ng Tangere, nakapagtala ang Duterte Youth Party-List ng 3% pagtaas sa voter preference kasunod ng pag-aresto kay dating Pangulong Rodrigo Duterte. Ang pagtaas na ito ay pangunahing pinangungunahan ng mga botante mula sa Visayas at Mindanao na may edad 18 hanggang 30 taon.
Kasunod ng Duterte Youth Party-List, apat na party-list ang inaasahang magkakaroon ng tig-dalawang puwesto sa Kongreso: 4PS – 7.00%; ACT-CIS – 4.50%; Tingog Partylist – 4.50%; Ako Bicol Party-list – 4.33%.
Samantala, apatnapung iba pang party-list ang tinatayang makakakuha ng tig-isang puwesto, kabilang ang mga incumbent party-list at ilang mga kilalang bagong grupo.
Lima naman na bagong party-list ang nagtala ng kapansin-pansing pagtaas ng voter preference: FPJ Panday Bayanihan (FPJPB) Party-List – 3.50%, sa pamumuno ni Brian Poe Llamanzares; Solid North Party-List – 2.00%, na may matinding suporta sa Ilocos Region; Ang Bumbero ng Pilipinas (ABP) Party-List – 2.00%, pinamumunuan ni Dr. Jose Goitia at malakas sa Metro Manila; Partido sa Bagong Pilipino (PBP) Party-List – 1.68%, sa pangunguna ng dating COMELEC Commissioner Atty. Goyo Larrazabal; Batang Quiapo Party-List (Sulong Mga Batang Quaipo) – 1.52%, malakas ang suporta mula sa Maynila at Quezon City.
Sa Incumbent Party-List na may malakas na suporta ay ang: Agimat – 3.33%; Senior Citizens – 3.00%; Malasakit@Bayanihan – 3.00%; Bayan Muna – 2.50%; Gabriela – 2.50%; 1Pacman – 2.00%.
Ayon sa survey, ito ang mga pangunahing isyu na nais matugunan ng mga botante ay ang: Pagbaba ng presyo ng mga pangunahing bilihin at produkto – 82%; Laban sa katiwalian sa gobyerno – 80%; Pagpapataas ng employment rate – 79%; Pagtaas ng minimum wage – 78%; Pagpapabuti ng serbisyo ng pampublikong ospital – 77%; Pagpapalawak ng healthcare services sa mga rural na lugar – 75%; Pagtataguyod ng karapatan ng kababaihan at mga bata – 75%.
Ang survey ay isinagawa noong Marso 12-15, 2025, gamit ang isang mobile-based respondent application na may sample size na 2,400 kalahok (+/- 1.96% Margin of Error sa 95% Confidence Level) gamit ang Stratified Random Sampling method (Quota Based Sampling).
Narito ang distribusyon ng mga kalahok: 12% mula sa NCR; 23% mula sa Hilagang Luzon; 22% mula sa Katimugang Luzon; 20% mula sa Visayas; 23% mula sa Mindanao.
Ang Tangere ay isang award-winning na teknolohiya at innovation-driven na kumpanya sa larangan ng market research na naglalayong tuklasin at maunawaan ang pananaw ng mga Pilipino. Ito ay isang proud member ng Marketing and Opinion Research Society of the Philippines (MORES) at ng Philippine Association of National Advertisers (PANA).#
