DISMAYADO si Vice President Sara Duterte ukol sa kalagayan ng Pilipinas dahil napag-iiwanan na sa pag-unlad hindi lamang sa ating rehiyon kundi pati sa buong mundo.
Inihayag nito ang kalagayan ng mga Pilipino na sobrang malala dahil sa hindi sumasapat ang sinasahod para sa pagkain, kuryente, bahay, tubig at pag-aaral ng mga anak.
Bilin nya sa mga Pilipino, unahin muna ang trabaho at negosyo o kabuhayan kesa pumunta sa rally sa kalsada dahil sa hirap ng buhay bunsod ng sobrang mahal ng presyo ng bilihin lalo na sa pagkain, unahin muna ang pamilya na nakadepende sa kanila. “….dun na lang sila sa social media kung saan nakakatrabaho pa rin sila pero nagagawa nila kung ano ang nararamdaman nila.”
Aniya, kung pagbabasehan ang mga bilang ng mga Pilipinong umaalis sa bansa para makipagsapalaran sa trabaho dahil walang makitang pag-asa at oportunidad sa sariling bansa.
Nakakaawa umano at nakakahiya ang Pilipinas dahil sa ganitong sitwasyon ng Pilipinas sa kasalukuyan.
Pinangangambahan din nya ang nagbabadyang gulo sa Mindanao na katulad umano ng sitwasyon noong 1990.
Nahaharap man sya sa isinampang Impeachment sa Kamara at sinasabing mayorya sa mga Kongresista sa Mindanao ang kumatig dito ay wala umano epekto sa kanya. Biro nga nya, “Mas masakit pa ang maiwanan ng boyfriend o girlfriend kesa ang ma-impeach ka ng House of Representataive.”
Hindi naman tinugon ni VP Sara ang tungkol sa pagsusulong na magsagawa ng Audit sa lahat ng sangay ng gobyerno lalo na sa mga mambabatas o Kongresista dahil sa pera ng bayan ang ginagamit sa “black propaganda” sa kanya ngunit sinabi nyang sa hinaharap ay sasagutin umano nya ito.
Bagaman, hindi sinagot ng Pangalawang Pangulo ang tanong ng Tuklasin Natin kung maihahalintulad ba sa “Nineteen Eight-Four” ni George Orwell ang nangyayari sa bansa ay personal nyang tiniyak sa Tuklasin Natin na sa sasagutin nya ito sa susunod na panahon. Sa kasalukuyan, tanging iniwan nyang salita ay “God Save the Philippines.” #
Watch full video of Philippines Vice President Sara Z. Duterte-Carpio, February 7, 2025
