Isang opisyal ng Public Attorney’s Office (PAO) noong Martes ang nagsabi sa korte ng Quezon City na sapat na dahilan ang mahigit 2,500 pagkamatay na nauugnay sa bakuna laban sa Covid-19 para ihinto ang malawakang pagbabakuna sa mga menor de edad.
Pinatotohanan ni PAO Forensics Division Director Dr. Erwin Erfe ang pagkwestiyon ng legalidad ng patakaran ng Department of Health sa pagbabakuna sa mga bata laban sa CoViD. Aniya, “normal na may masamang epekto para sa bawat bakuna, ngunit ang mga ito ay hindi dapat seryoso at dapat walang pagkamatay, hindi katulad ng mga bakunang Covid-19.”
Iniharap ni Erfe ang datos mula sa Philippine Food and Drug Administration (FDA) na mayroong 2,573 na pagkamatay kaugnay ng mga bakuna sa Covid-19 mula Marso 2021 hanggang Hulyo 2022.
Iniulat ng FDA na 12 sa mga namatay ay 5 hanggang 11 taong gulang, 1,470 ay higit sa 60 taong gulang, 702 ay 40 hanggang 59 taong gulang, 332 ay mula 18 hanggang 39 taong gulang, at 39 ay 12 hanggang 17 taong gulang.
Si Erfe ay sinuri ng mga abogado para sa mga respondent, dating Kalihim ng Kagawaran ng Kalusugan Francisco Duque III, Acting DoH Secretary Maria Rosario Vergeire, at Public Health Services Team ng DoH.
Sinabi niya sa korte na ang ulat ng FDA ay nagbibigay-katwiran sa mga pahayag ng mga magulang na nagsampa ng petisyon na itigil ang “eksperimento” na pagbabakuna ng Covid-19, lalo na ng mga batang edad 5 hanggang 11 taon.
Iginigiit nina Dr. Erwin Erfe at PAO Chief Persida Rueda-Acosta ang tumatayong principal counsel para sa mga magulang, na dapat may clearance mula sa pediatrician ng isang menor de edad na may comorbidities bago isagawa ang pagbabakuna. Anila, naiwasan sana ang mga pagkamatay na may kaugnayan sa bakuna kung nakuha lang ng DoH ang naturang clearance.
Si Erfe ang nangasiwa sa mga autopsy sa 166 na biktima ng kontrobersyal na bakuna sa dengue na Dengvaxia, ay nagsabi sa korte na ang mga batang edad 5 hanggang 11 ang pinakamalamang na biktima ng mga pagkamatay na may kaugnayan sa pagbabakuna ng Covid.
“It is worthy to note that the Department of Health is now rolling out the Covid-19 vaccination among children ages 5 to 11 years and the DoH is committing the same negligence, misrepresentation, misinformation, and with bad faith the said rolling-out of the Covid-19 vaccination, particularly, to children,” saad nya.
Ibinahagi ni Erfe ang pagkabahala ng iba pang mga testigo na walang bakuna ng Covid-19 na nabigyan ng certificate of product registration (CPR) ng FDA.
Mariing binanggit ni Erfe na ang DoH ay patuloy na niloloko ang publiko sa pamamagitan ng pagtanggi na ibunyag ang malubhang epekto ng mga bakuna sa Covid-19.
Pinatunayan naman ng isa pang manggagamot ng PAO na si Dr. John King Soliman na ang kanyang pasyente na 15-anyos na si Angelo James Parejas ng Bulan, Sorsogon ay dumanas ng malubhang epekto matapos siyang bakunaan ng anti-Covid.
“Angelo James was active and essentially a normal child, but his health condition has drastically changed for the worse after his inoculation with Covid-19 Pfizer vaccine,” ayon kay Soliman.
Kinatawan naman nina dating ABS-CBN reporter Dominic Almelor, Girlie Samonte ng Tondo, Maynila at Joel Corpuz ng Cainta, Rizal ang mga magulang sa pagdinig.
Matatandaaan sa isang panayam kay Prof. Antonio AS. Valdes, sinabi nitong ang Dengvaxia ay itinuturing nyang “Genocidal Scam” at pinakamatinding nangyaring krimen sa bansa na ginawa ng mga opisyal ng pamahalaan na ipinatupad sa mamamayan.
“Knowing fully well that 80% of 1million children would be facing death or severe side effects, then maybe, I am not an advocate of death penalty but for mass murder or genocide, I will consider it…” mariing sinabi ni Valdes. # (Cathy Cruz)
