Dumalo ang mga Municipal Agrarian Reform Officers (MAROs), Development Facilitators (DFs) at iba pang tagapagpatupad ng Department of Agrarian Reform (DAR) sa rehiyon ng MIMAROPA sa apat na araw na pagsasanay sa agrarian reform community (ARC) organizing and development (ARCOD) upang mapabuti ang kanilang mga kasanayan sa pagbabalangkas ng mga epektibong mga gawain at plano sa pagbuo ng mga komunidad ng sakahan.
Sinabi ni DAR Regional Director Marvin Bernal na ang pagsasanay ay idinisenyo upang itaas ang kakayahan ng mga implementer hindi lamang sa community organizing kundi pati na rin sa enterprise development at management.
“Ang pagsasanay na ito ay mahalaga para sa mga MARO at DF sa pagsasagawa ng mga aktibidad na pangn egosyo sa mga komunidad ng repormang agraryo sa Mindoro, Marinduque, Romblon, at Palawan,” sabi ni Bernal.
Sinabi ni Bernal na ang aktibidad ay bilang tugon sa panawagan ni Pangulong Ferdinand R. Marcos Jr. kay Kalihim Conrado Estrella III, na pagbutihin at iangat ang buhay ng mga magsasaka sa pamamagitan ng pagsasanay sa kanila na maging farmer-entrepreneur.
Ang mga kalahok ay binigyan ng mga kasanayan sa mga makabagong pamamaraan upang bumuo ng mga ARC, paghahanda ng kanilang plano sa pagpapaunlad at pagbalangkas ng isang taong plano para sa 2023.
Sinabi ni Bernal na nangako ang mga kalahok na pagbubutihin ang kalidad ng pamumuhay ng mga agrarian reform beneficiaries (ARBs) para sila ay maging aktibong kalahok sa mga pagsusumikap sa pagpapaunlad ng pamahalaan.
Nakumpleto ng mga kalahok ang apat na modyul: Enhancing Personal Effectiveness, Internalizing community development perspective, Acquiring ARC Development Skills, at Formulating the learning action plan.
