“ANG matibay na pangako ng administrasyong Belmonte sa mabuting pamamahala ay nananatiling pinakamahalagang paraan ng tagumpay ng Quezon City sa usapin ng pangongolekta ng buwis”, ayon kay Quezon City Treasurer Edgar T. Villanueva.
“Nakita ang ating mga mamamayan ang makabuluhang pagpapabuti sa paraan ng kanilang pakikipagtransaksiyon sa lungsod. Sa iba’t ibang paraan, ipinahayag nila ang kanilang kasiyahan sa kalidad ng mga programa at serbisyo na ibinigay sa kanila. Nagtitiwala sila na ang kanilang pinaghirapang pera ay isasalin sa mahusay na serbisyo publiko para sa lahat,” binanggit ni Villanueva sa isang pahayag.
Sa isang Memorandum Circular No. 015-2022 nitong ika-29 ng Hulyo 2022, inilabas ng Department of Finance-Bureau of Local Government Finance (DOF-BLGF), pinangalanan ang Lungsod ng Quezon bilang top-performing city sa larangan ng pagbuo ng lokal na kita matapos itong makakolekta ng P22.9 bilyong buwis noong nakaraang taon.
Tinukoy din ang pamahalaang Lungsod ng Quezon bilang hall of famer sa ilalim ng special category na “Local Revenue Generation Hall of Fame” matapos na ito ay palaging nangunguna sa koleksyon ng buwis sa mga lungsod sa buong bansa mula 2018 hanggang 2020.
Ang kita sa buwis ng lungsod ay nagmula sa real property tax, business tax, at mga non-tax revenues tulad ng fees and charges, receipts from government business operations at proceeds mula sa sale of assets.
Ayon kay Villanueva, ang pag-streamline ng mga pagsisikap ng lungsod, na kinabibilangan ng paggamit ng mga online na serbisyo at ang pagtatatag ng mga satellite office para sa pagbabayad ng buwis ay nakatulong sa pagpapagaan ng mga proseso at hinimok ang mas maraming may-ari ng negosyo na bayaran ang kanilang mga dapat bayaran.
“Ang desisyon ng alkalde na pahintulutan ang staggered payment scheme para sa under-declared at undeclared business taxes sa halip na mabigat na parusa ay nag-udyok din sa mga negosyante na bayaran ang kanilang mga obligasyon,” dagdag ni Villanueva.
“Karangalan namin na ibahagi ang milestone na ito sa bawat QCitizen. Dahil sa inyong patuloy na pagtitiwala at suporta sa ating administrasyon. Naitaas natin ang ating taunang lokal na kita ng higit sa P10 bilyon mula nang tayo ay maupo sa pwesto,” sinabi ni Mayor Maria Josefina Tanya “Joy” G. Belmonte sa isang hiwalay na pahayag
Masaya namang nagdiwang ng pasasalamat ang mga kawani ng tanggapan ng Ingat Yaman ng Lungsod Quezon kamakailan dahil sa nakamit na pagkilala ng lungsod mula sa Department of Finance. Sa kabila ng batikos at mga kasong hinarap ni Villanueva nanatili itong tapat at masigasig sa kanyang trabaho.
Aniya, naging isang bangungot ang nangyari sa kanya ngunit kailangan nyang isakatuparan ang paniningil ng buwis at pag-auction ng mga property na dilingkuwente dahil nakasaad umano ito sa batas ng Local Government Code at sa kanyang sinumpaang tungkulin. Malaki umanong tulong ang naturang desisyon ng Korte Suprema sa mga katulad nyang Ingat-Yaman ng lungsod o munisipalidad.#
“WHEREFORE, the Decision promulgated on 15 November 2019 and Resolution dated 13 February 2020 by the Sandiganbayan in Criminal Case No. SB-17-CRM-0119 are REVERSED and SET ASIDE. Accused-appellant EDGAR T. VILLANUEVA is ACQUITTED of violation of Section 3(e) of Republic Act No. 3019,, on the ground that his guilt was not established beyond reasonbale doubt.”
