IBINULGAR ng isang Economic Researcher ang desisyon at utos ng Korte Suprema hinggil sa pagmamay-ari ng lupa sa Pilipinas batay sa desisyon na inilabas noong Hulyo 14, 1964 at lalo pang pinagtibay ito sa Decision with Compromise Agreement nilagdaan ni Presiding Judge Enrique A. Agana Sr. ng Court of First Instance of Rizal, Seventh Judicial District, Branch 28 ng Pasay City noong Pebrero 4, 1972.
Sa ekslusibong panayam ng Tuklasin Natin kay Benjamin Narvaez Garcia, ang desisyong ito ng Kataas-taasang hukuman ng bansa ay nananatiling hindi ipinapatupad hanggang sa kasalukuyan.
Ang LRC/Civil Case No. 3957-P For: Quieting of Titles Reconveyance of Real Properties of OCT No. 01-4, TCT No. 408 TCT 498, 407, at 409 ayon sa Republic Act No. 26 sa pangalan ni Don Gregorio Madrigal Acopiado at Doña Ma. Camela Sarmento Madrigal.
Ayon kay Garcia, ang kasong ito ay naging sentro ng kanyang Thesis noong 2005 sa kanyang Master Degree ng Business Economic sa University of Asia and Pacific. Hindi man ito naisumite dahil na rin sa personal na kadahilanan, naging daan naman ito upang mabulgar sa kanya ang kalagayan ng bansa sa larangan ng ekonomiya na nag-ugat sa pagmamay-ari ng lupa.
Nilinaw ni Garcia, na ang kanyang paglalahad ay batay sa mga dokumentong nakalap nya sa Korte Suprema at iba’t ibang sangay ng pamahalaan sa panahon ng kanyang pagsasaliksik at pakikipag-usap sa mismong sangkot sa nasabing usapin.
Aniya, lahat ng binabanggit nya ay nakapaloob sa desisyong inilabas ni Presiding Judge Enrique A. Agana Sr. ng Court of First Instance of Rizal, Seventh Judicial District, Branch 28 ng Pasay City.
Dagdag pa nya, na ang kuwento ng Acopiado ay hindi maaaring alisin sa kasaysayan ng bansa, bagaman ito ay sinadyang hindi isama sa mga librong inilimbag na ginagamit sa eskuwelahan.
“Sunugin man nila ang naging desisyong ng Supreme Court, mananatiling may maiiwang bakas ito na mula pa rin sa mga desisyong nailabas at naghihintay lang na ipatupad, usaping pag-aari ng lupa man yan o ginto na pag-aari ng mga Acopiado”, dagdag ni Benjamin Garcia.
Sa ipinadalang mensahe ni Benjamin Garcia habang isinusulat ang balitang ito:
“There was Public Land promulgated July 1, 1902 but after terminated by re-adjudication in accordance with Cadastral Act No. 2259 on March 14, 1914. Please review the legal foundation of land ownership. And review the Supreme Court Orders and Instruction to implement LRC/Civil Case No.3957-P promulgated February 4, 1972 based on LRC/Civil Case No. 997-P with & dated July 14, 1964 with Supreme Court Order by Cesar Bengzon. Supreme Court to implement LRC/Civil Case No. 3957-P, & dated July 6, 2009 by Chief Justice Reynato S. Puno, order to implement LRC/Civil Case No. 3957-P.
And you can acquire copy from the OSG, if they release a copy. Let’s not implement unconstitutional laws. Torrens Registration dated R.A. 496 O.C.T. No. 01-4 in the year 1904 & 1910.”
Sa kasalukuyan ang usaping pagmamay-ari at pamimigay ng lupa ay kaliwa’t kanan pa ring nakabinbin at kasalukuyang dinidinig sa iba’t ibang korte sa bansa, kabilang ang mga ahensya ng pamahalaan tulad ng Department of Agrarian Reform, Register of Deeds, Land Registration Authority hiwalay pa ang mga indibidwal na nagsampa ng kaso. Malaking katanungan aniya sa pamilya ng mga Acopiado ang desisyon at utos ng Korte Suprema na hanggang ngayon ay hindi ipinapatupad.
Nakahanda naman si G. Benjamin Narvaez Garcia, bilang tagapagsalita at pinagkakatiwalaan ng kinikilala ng korteng tanging tagapagmana ng mga Acopiado sa anumang katanungan o pag-uusig upang maisiwalat ang katotohanan at maitama ang kasaysayan.
Kasalukuyan kinukuha ang panig ng Land Registration Authority, Department of Agrarian Reform at iba pang ahensya ng pamahalaan hinggil sa usaping ito. # (Cathy Cruz)
