Noong nakaraang Hulyo 30, 2015, ay isang press conference ang inorganisa ng National Academy of Science and Technology (NAST) sa Max’s Restaurant sa Quezon City.
Ang press conference ay para sa pagpapakilala sa mga natatanging awardees ng NAST at ng katatapos lang na National Science and Technology Week.
Apat sa mga naparangalan ang dumalo at sila ay sina 2015 NAST Talent Search for Young Scientist awardee Pierangeli G. Vital, Ph. D at Drandreb Earl O. Juanico, Ph. D, 2015 Outstanding Young Scientist Awardee Enrico C. Paringit at 2015 NSTW Outstanding R&D Award for Basic Research awardee Marybeth B. Maningas.
Sa press conference, isa-isang tinalakay ng mga awardees ang mga pag-aaral na kanilang ginawa at ang kanilang naging daan para makamit ang mga natanggap nilang parangal.
Isa- isa rin nilang sinagot ang mga katanungang ibinato sa kanila ng media gayundin ang mga personal na perspektibo nila tungkol sa mga isyung may kinlaman sa siyensya at teknolohiya.
Sa huli ay nagpasalamat ang mga ito sa mga taong tumulong sa kanila upang makamit ang mga parangal na tinanggap gayundin ang pangako na pag-ibayuhin ang kanilang mga pag-aaral para makatulong sa sangkatauhan. 
Freda Migano
