Communication and News Exchange Forum: Mula sa kaliwa si Secretary Sonny B. Coloma, Presidential Communications Operations Office; PDIR. Arturo G. Cacdac Jr., Director for Investigation and Detective Management, PNP; Atty. Jose A. Fabia, Director General, PIA; PCSUPT Samuel Pagdilao, Director , CIDG; PCSUPT Leonardo Espina, Director Highway Patrol Group; PCSUPT Alan LM. Purisima, Acting Regional Director, NCRPO; PCSUPT Agrimero A. Cruz Jr., Chief, Public Information Officer, PNP habang tinatalakay ang Integrated Transformation Program Performance Governance System ng PNP. (RAFFY RICO)
TRANSPORMASYON NG PNP TINIYAK – PNP OFFICIALS
SA isinagawang Communication and News Exchange Forum sa Philippine Information Agency ay iniulat ni PSS Jesus Gatchalian ng Philippine National Police (PNP) ang kasalukuyang ginagawang pagbabago sa hanay ng kapulisyahan, ito ay tinaguriang Integrated Transpormation Program Performance Governance System ng PNP na resulta ng mga pag-aaral at rekomendasyong mula sa PNP Reform Commission Report, GOP-UNDP Study on Transforming the PNP at PNP Transpormation Plan.
Matatandaan na noong ika-25 ng Nobyembre 2003 nang nagkaroon ng kasunduan sa pagitan ng PNP at ng Supreme Court sa kanilang proyektong “Transforming the PNP into a More Capable Effective and Credible Police Force.”
Ang isinasagawang PNP ITP PGS ay nag
lalayon na masolusyonan ang nasirang imahe ng kanilang hanay at maitaas ang antas ng kalidad ng serbisyo ng kapulisan sa publiko, gayundin ng pagpapaigting ng kakayanan ng PNP sa pagpapatupad ng batas, at matignan ang kapakanan at pakinabang na dapat ibigay sa mga tauhan at pamilya nito. Sa kabuuan, nais patunayan ng PNP sa publiko na ang bagong kapulisyahan ngayon ay maasahan, mapagkakatiwalaan at kagalang-galang.
