Walang sikreto! Walang trade of secret, yan ang pahayag ni Quezon City Treasurer Edgar T. Villanueva matapos ma-interview nina Raffy Rico ng Manila Star, Cathy Cruz ng DWAD, at ni Jimmy Camba ng Manila Star (photog.).
Ayon kay City Treasurer Villanueva, very financially stable at very healthy ang kalagayan ng pananalapi sa kabang yaman ng lungsod Quezon, na umaabot sa halagang ₱ 6.9 bilyon na- cash in hand at cash in bank, ito umano ang nalikom na pera ng City Treasurers Office, isang araw bago matapos ang quarterly deadline ngayong taon.
Ang sikreto, matiyaga umano silang mangolekta at mayroon silang mga Good Bosses, na sina Mayor Herbert “Bistek” Bautista, City Administrator, at ang Sangguniang panlungsod at meyembro na laging nakaagapay sa kanilang pangongolekta ng buwis.
Nilinaw pa ni City Treasurer Villanueva na ang tatlo (3) nilang sikreto ay mayroon silang Good Chief Executive, Very Cooperative Legislative Body at Good Tax Collector represented by the City Treasurer.
Inamin din ng opisyal na hindi lang niya napantayan ang dating mataas na koleksiyon ng dating City Treasurer na si Victor Endriga kundi nalagpasan pa niya ang record sa kapanahunan nito, dahil 1st quarter pa lamang umano ng taon sa ngayon, halos mahigit kalahati na ang koleksiyon, kumpara sa kapanahunan ng dating Tresurero.
Samantala, binanggit din ni City Treasurer Ed Villanueva na sinuspinde nya ang pagbibigay ng sertipikasyon sa mga negosyanteng nakinabang sa tinatawag na BMBE Law dahil naging kapansin-pansin ang pag-aabuso ng ilang mga mamumuhunan sa lungsod.
Malaki umano ang naging epekto ng 50% bawas sa pagbabayad ng buwis sa lokal na pamahalaan gayudin sa BIR. Dagdag pa ni Villanueva mula Enero hanggang sa kasalukuyan ay tatlo (3) pa lamang ang mapalad na nakapasang negosyante sa Lungsod Quezon na dati nang nakinabang ng BMBE Law.
Nanawagan din si Villanueva na huwag naman sanang abusuhin ng ating mga kababayang negosyante sa lungsod ang mga pribilihiyong ipinagkakaloob ng pamahalaan.(RAFFY RICO/JIMMY CAMBA)
