Bilang tugon sa mga karaniwang hamon sa mga komunidad, nag-develop ng mga ‘smart’ na solusyon ang mga innovator mula sa mga rehiyonal at probinsyal na tanggapan ng Department of Science and Technology (DOST) sa pamamagitan ng Wadhwani technology pitching competition na ginanap noong Oktubre 21, 2025.
Ayon sa DOST-Caraga, ang paligsahan ay ang ikalawang bahagi ng unang Cohort na nagsimula noong Enero 2025 sa ilalim ng DOST-Wadhwani Technopreneurship Program—isang pakikipagtulungan sa pagitan ng DOST at Wadhwani Operating Foundation na inilunsad noong Nobyembre 2024.
Sa ilalim ng programang ito, halos 400 na empleyado ng DOST ang sumailalim sa intensive na three-month training na nakatuon sa pagpapabuti ng kanilang kasanayan sa entrepreneurship.
“Sa pagbabago ng mga ideya tungo sa 17 na functional na prototype, nakikita natin kung paano matatransporma ang mga lokal na hamon na nakilala sa aming mga regional smart cities at community road mapping efforts upang maging scalable, inclusive, at sustainable na solusyon. Ang mga inobasyong ito ay sumasalamin sa isang simpleng katotohanan: kapag nagtutulungan ang ating mga LGU, industriya, akademya, at mga komunidad, tayo ay hindi lamang gumagawa ng mga proyekto kundi mga landas na magagamit natin sa ating paglalakbay tungo sa pambansang kaunlaran,” pahayag ni DOST Secretary Renato U. Solidum Jr.
“Kapag ang inobasyon ay pinagtulungang payabungin ng bawat isa, ang mga solusyon na drawing lamang sa umpisa ay unti-unting makukulayan at maisasakatuparan,” dagdag niya.
Upang matiyak na ang mga inobasyon ay akma sa lokal na pangangailangan, ang mga innovator ng DOST ay nakipagtulungan sa iba’t ibang lokal na pamahalaan upang kilalanin ang mga puwang sa mga focus area tulad ng urban resilience, digital governance, solid waste management, circular economy integration, sustainable transportation, climate-smart agriculture, at public service innovation.
Ayon kay Wadhwani mentor para sa Mindanao na si Mary Rose Ofianga, ang bawat prototype ay inaasahang susuporta sa Smart and Sustainable Communities Program (SSCP) ng DOST at uunahin ang mga Elev8 PH initiative.
“Dapat ay isinasama ng mga solusyon ang mga teknolohiya tulad ng AI, data analytics, blockchain, Industry 4.0, smart agriculture, at health technology, na nagpapakita ng potensyal para sa komersyalisasyon at scalability,” ani Ofianga.
Kabilang sa 15 na nag-presenta, ang smart food innovation platform na ‘TARAsense’ mula sa DOST-CARAGA Region ang pinarangalan ng unang pwesto ng mga hurado.
Ayon kay Dr. Mariero H. Gawat, S&T Fellow at isa sa mga nag-develop ng TARAsense, ang platform na ito ay nagbibigay-kakayahan sa mga micro, small, and medium enterprises (MSME) na bumuo ng mga produktong pagkain sa pamamagitan ng data-driven na consumer insights. Pinagsasama nito ang mga tool para sa market research, packaging feedback, at sensory evaluation—na pawang pinapagana ng AI analytics at gamified public participation.
Ang mga kalahati ay hinusgahan batay sa komersyal na potensyal ng inobasyon (30%); pagkamalikhain at pagiging natatangi (25%); pagtugon sa problema sa merkado (15%); execution at feasibility (15%); kalidad ng presentasyon (10%); at epekto sa ekonomiya (5%).
Ang DOST-Wadhwani Technopreneurship Program ay isang estratehikong inisyatiba na idinisenyo upang paunlarin ang innovation-driven entrepreneurship sa mga DOST Regional at Provincial S&T Offices. Ito ay isa sa maraming inisyatiba ng DOST na naglalayong magbigay ng science-based, innovative, at inclusive na solusyon sa apat na estratehikong haligi: human well-being, wealth creation, wealth protection, at sustainability. Ang mga haliging ito ay sumasagisag sa mantrang OneDOST4U: Solutions and Opportunities for All. Para sa karagdagang impormasyon, bisitahin ang www.dost.gov.ph.#
